Stórleikkonan Sigrún Edda Björgvinsdóttir og eiginmaður hennar, Axel Hallkell Jóhannesson leikmyndahönnuður og tónlistarmaður, fögnuðu 31 árs brúðkaupsafmæli sínu í gær, miðvikudaginn 31. júlí.

Sigrún Edda og Axel Hallkell, jafnan kallaður Langi Seli, fögnuðu tímamótunum með ljúffengri máltíð á veitingastaðnum Apotek við Austurstræti. 

Skelltu þumlunum upp

Í tilefni dagsins birti Sigrún Edda fallega mynd af þeim hjónum á Facebook-síðu sinni. Hjónin skelltu þumlunum upp fyrir myndatökuna enda miklu að fagna.

„Brúðkaupsafmæli nr. 31! 36 ár frá fyrsta kossi,“ skrifaði Sigrún Edda við færsluna. 

Hamingjuóskum hefur rignt yfir hjónin og hafa íslenskar leikhússtjörnur á borð við Jóhönnu Vigdísi Arnardóttur, Val Frey Einarsson og Gísla Örn Garðarsson óskað hjónunum til hamingju og við á Smartlandi gerum það að sjálfsögðu líka.