Nýjasta Instagram-færsla bandarísku leikkonunnar Sharon Stone vakti áhyggjur meðal fylgjenda hennar. Leikkonan skartar myndarlegu glóðarauga og virðist nokkuð þung á svip.

Stone, þekkt fyr­ir leik sinn í kvik­mynd­um á borð við Basic Inst­inct, Casino, Total Recall og The Special­ist, hefur verið á ferðalagi undanfarna daga og heimsótt bæði Tyrkland og Ítalíu.

„Þetta ferðalag er búið að vera erfitt,” skrifaði Stone við færsluna án frekari upplýsinga um hvað hefði átt sér stað.

Leikkonan er á ferðalagi ásamt einum af þremur sonum hennar. Hún birti brosmilda mynd af þeim mæðginum á göngu um Rómaborg á þriðjudag og er þar ekkert glóðarauga að sjá.