Þjóðhátíð í Vestmannaeyjum fagnar nú 150 ára afmæli sínu, og hefur verið vel mætt í brekkuna í Herjólfsdal á fyrsta degi hátíðarinnar.

Fjölmennt er í brekkunni að kvöldi föstudags á Þjóðhátíð í Eyjum. mbl.is/Óskar Pétur Friðriksson

Jóhanna Guðrún steig á svið fyrr í kvöld ásamt Fjallabræðrum til þess að frumflytja þjóðhátíðarlagið, Töfrar, en það er samið af Hall­dóri Gunn­ari Páls­syni, gítarleikara Fjallabræðra, og Klöru Elías­dótt­ur.

Frétt af mbl.is

Myndband við þjóðhátíðarlagið 2024 er komið út

Var gerður góður rómur að flutningi Jóhönnu Guðrúnar og Fjallabræðra, og má eiga von á því að lagið muni óma oft um Vestmannaeyjar um helgina. 

Fjallabræður og Jóhanna Guðrún fluttu þjóðhátíðarlagið í kvöld. Halldór Gunnar Pálsson, gítarleikari og annar af höfundum lagsins sést hér fyrir miðri mynd. mbl.is/Óskar Pétur Friðriksson

Hefð er fyrir því að allir höfundar og flytjendur þjóðhátíðarlagsins fái uppstoppaðan lunda í heiðursskyni fyrir, en á meðfylgjandi mynd má sjá Jóhönnu Guðrúnu þegar hún fékk sinn lunda. 

Jóhanna Guðrún með lundann. mbl.is/Óskar Pétur Friðriksson

mbl.is/Óskar Pétur Friðriksson