Breanne Allarie, kanadísk móðir og samfélagsmiðlastjarna, gerði allt vitlaust á Instagram nýverið þegar hún birti örstutt myndskeið af sér að gera fimleikaæfingar á eldhúsgólfinu. 

Í tilefni Ólympíuleikana ákvað Allarie að meta eigin getu, þrek, þol og sveigjanleika til að sjá hvar hún stæði í samanburði við keppendur á leikunum.

Til þess klæddi hún sig í svartan sundbol, skellti tveimur púðum á gólfið og reyndi við þó nokkrar gólfæfingar. Allarie stóð sig með prýði. 

Myndskeiðið sló rækilega í gegn á Instagram og hefur hlotið ríflega eina milljón áhorf á örfáum dögum. Yfir 24.000 manns hafa hrósað Allerie fyrir frammistöðu hennar í athugasemdarkerfinu.