Um verslunarmannahelgina verður venju samkvæmt blásið til fjölbreyttrar leikjadagskrár á Árbæjarsafni.

Frá kl. 13, bæði sunnudaginn 4. ágúst og mánudaginn 5. ágúst, geta gestir keppt í pokahlaupi, skjaldborgarleik og reiptogi, svo nokkuð sé nefnt. 

Á safninu er fjölbreytt úrval af útileikföngum sem krökkum býðst að nota að vild, svo sem húla-hringir, snú-snú, kubb og síðast en ekki síst flottir kassabílar. Þá verður hægt að grípa í badmintonspaða og á gamaldags róluvelli eru sandkassi og leikföng. 

Dagskráin stendur frá klukkan 13-16 en safnið er opið 10 -17. Frítt inn fyrir börn, öryrkja og menningarkortshafa.