Þjóðhátíð | 5. ágúst 2024
Myndir: „Gekk bara glimrandi vel“
„Það gekk bara glimrandi vel í gærkvöldi og í nótt,“ segir Jónas Guðbjörn Jónsson, formaður Þjóðhátíðarnefndar, í samtali við mbl.is og bætir við að vel hafi ræst úr veðrinu þrátt fyrir óskemmtilega spá.
Myndir: „Gekk bara glimrandi vel“
Þjóðhátíð | 5. ágúst 2024
Setja bókamerki
„Það gekk bara glimrandi vel í gærkvöldi og í nótt,“ segir Jónas Guðbjörn Jónsson, formaður Þjóðhátíðarnefndar, í samtali við mbl.is og bætir við að vel hafi ræst úr veðrinu þrátt fyrir óskemmtilega spá.
„Það gekk bara glimrandi vel í gærkvöldi og í nótt,“ segir Jónas Guðbjörn Jónsson, formaður Þjóðhátíðarnefndar, í samtali við mbl.is og bætir við að vel hafi ræst úr veðrinu þrátt fyrir óskemmtilega spá.
„Það var smá rigning svona til að byrja með í kvölddagskránni, og svo stytti bara upp og bara blíða,“ segir Jónas. Búið var að spá úrkomu í Eyjum síðasta kvöld Þjóðhátíðar en ekki var vitað hve þung rigningin yrði.
Rjómablíða í brekkunni
Jónas segir að almenn ánægja hafi verið meðal tónleikagesta og að brekkusöngurinn hafi gengið vonum framar, ekki síst vegna óvænts blíðviðris á meðan honum stóð.
„Í brekkusöngnum var bara þvílík rjómablíða, það var geggjað sko,“ segir hann en hann tekur fram að Magnús Kjartan hafi farið á kostum sem forsöngvari og verið „alveg frábær.“
Nefnir hann að afmælistónleikarnir í tilefni 150 ára afmælis Þjóðhátíðar hafi einnig gengið mjög vel. Þá hafi margt ástsælt tónlistarfólk stigið á svið og flutt gömul lög í bland við ný.
Jónas segir að lokum að gestir Þjóðhátíðar séu nú margir farnir að taka saman og fara heim og Herjólfur ferji nú fjölda gesta aftur til Landeyjahafnar.
/frimg/1/50/76/1507647.jpg)
/frimg/1/50/77/1507722.jpg)
/frimg/1/49/95/1499545.jpg)
/frimg/1/35/71/1357190.jpg)
