Fjölmargar Hollywood-stjörnur hafa flykkst til Parísar til að fylgjast með stærsta íþróttaviðburði í heimi, Ólympíuleikunum.
Fjölmargar Hollywood-stjörnur hafa flykkst til Parísar til að fylgjast með stærsta íþróttaviðburði í heimi, Ólympíuleikunum.
Fjölmargar Hollywood-stjörnur hafa flykkst til Parísar til að fylgjast með stærsta íþróttaviðburði í heimi, Ólympíuleikunum.
Hér má sjá nokkur þekkt andlit sem hafa sést á áhorfendapöllunum síðustu daga.
Söng- og leikkonan Ariana Grande lét sig ekki vanta á Ólympíuleikana. Hún mætti á opnunarhátíðina íklædd bleikum silkikjól sem var hannaður af Thom Browne.
Leikkonan Cynthia Erivo mætti ásamt Grande á opnunarhátíðina. Þær vinkonur virtust skemmta sér drottningarlega. Báðar fara þær með aðalhlutverk í kvikmyndinni Wicked sem er væntanleg í kvikmyndahús þann 22. nóvember næstkomandi.
Rapparinn Snoop Dogg hefur vakið ómælda athygli á Ólympíuleikunum. Hann hljóp með ólympíueldinn á setningarhátíð leikanna og hefur einnig sinnt hlutverki íþróttalýsanda fyrir bandarísku sjónvarpsstöðina NBC.
Stjörnuhjónin John Legend og Chrissy Teigen ferðuðust til Parísar ásamt eldri börnum sínum tveimur, Lunu og Miles. Fjölskyldan mætti á opnunarhátíð Ólympíuleikanna. Sást í áhorfendastúkunni að þau hvöttu fimleikastjörnuna Simone Biles og bandaríska landsliðiðliðið til dáða.
Eins og margir vita var Lady Gaga með mikið sjónarspil á setningarhátíðinni en páfuglaþemað í tónlistaratriði hennar vakti mikla athygli. Síðan þá hefur hún sést í áhorfendastúkunni á hinum ýmsu íþróttaviðburðum.
Stórstjarnan Beyoncé er mikill aðdáandi fimleikakonunnar Simone Biles og mætti að sjálfsögðu á staðinn til að hvetja sína konu.
Stjörnuparið Nicole Kidman og Keith Urban hafa verið að njóta sín í borg ástarinnar. Í síðustu viku birti Kindman myndband af sér að fylgjast með hjólabrettakeppninni sem fór fram utandyra nálægt mörgum af helstu kennileitum Parísarborgar.
Bandaríski söngvarinn Pharell Williams fékk einnig þann heiður að bera ólympíueldinn, líkt og Snoop Dogg.
Söng- og leikarinn Nick Jonas var í glæsilegum jakkafötum frá Ralph Lauren á opnunarhátíðinni. Hann hefur reglulega sést á áhorfendapöllum að styðja bandaríska sundliðið.
Bandaríska leikkonan Jessica Chastain er stödd í París um þessar mundir með börnin sín tvö en þau hafa verið dugleg að mæta á áhorfendapallana og fylgjast með hinum ýmsu viðburðum.
Tennisgoðsögnin Serena Williams er ekki meðal keppenda í ár en fékk þó það mikilvæga hlutverk að bera ólympíueldinn. Hún er ötull stuðningsmaður bandarísku keppendanna.
Stöllurnar Sarah Jessica Parker og Jennifer Hudson hittust óvænt í París í síðustu viku. Hudson birti sæta mynd af þeim saman á Instagram. Fjölskylda Parker, eiginmaður og börn, eru einnig í París.
Bandaríska leikkonan Natalie Portman hefur síðustu daga verið að fagna stórkostlegu íþróttafólki á Ólympíuleikunum.
Kanadíska söngkonan Celine Dion heillaði heiminn með flutningi sínum á laginu L'hymne à l'amour.
Leikkonan Elizabeth Banks segir á Instagram-reikningi sínum að það að sjá fyrsta leik bandaríska kvennalandsliðsins í blaki sé nú ein af uppáhalds minningum hennar. Banks birti mynd af sér ásamt leikkonunni Leslie Mann og fleirum á blakleiknum.