Það var mikið um dýrðir á miðvikudagskvöldið þegar Laufey Lín Bing Jónsdóttir steig á svið í Hollywood Bowl.

Íslenska tónlistarkonan lék fyrir þúsundir manna og heillaði tónleikagesti með fallegri framkomu og söng. Hún steig á svið ásamt Sinfóníuhljómsveitinni í Los Angeles. 

Laufey birti tvær færslur á Instagram-síðu sinni eftir tónleikana og þakkaði aðdáendum sínum, sem ganga undir nafninu „Lauvers“, fyrir ógleymanlegt kvöld. 

„Kæra 13 ára Laufey, þú seldir upp Hollywood Bowl. Takk öllsömul fyrir besta kvöld lífs míns,“ skrifaði söngkonan við aðra færsluna. 

Frétt af mbl.is

Laufey hlaut Grammy-verðlaun

Frétt af mbl.is

Laufey geislaði á Met Gala

Árið hefur verið fjölbreytt og viðburðaríkt hjá íslensku tónlistarkonunni.

Hún hlaut Grammy-verðlaun fyr­ir plötu sína Bewitched í flokki hefðbund­inna söng-poppp­latna í byrjun árs, gekk myntugræna dregilinn á Met Gala-viðburðinum í maí og hefur selt upp á hverja tónleikana á fætur öðrum víðs vegar um heiminn.