Heimildarmenn í kringum Ben Affleck og Jennifer Lopez segja Affleck hafi aldrei verið í uppáhaldi hjá tengdafjölskyldunni. Sú eina sem hafi líkað vel við hann væri móðir Lopez en honum hafi komið mjög illa saman við dóttur hennar. 

„Þau þola ekki hvort annað. Þeim kemur ekki vel saman og það er ennþá mjög slæmt á milli þeirra,“ segir heimildarmaður um samband Affleck og dóttur Lopez. Það hafi þó verið ætlunin að láta þetta ganga upp. 

Vinkona Lopez sögð hafa varað hana við

Meintir hjónabandsörðugleikar Lopez og Affleck hafa samt endurvakið gömul vinasambönd tónlistar- og leikkonunnar. Leuh Remini kynntist Lopez í gegnum fyrrverandi eiginmanninn Marc Anthony. Eftir þann skilnað átti Leah að hafa varað hana við Affleck. Það fór illa í Lopez og sleit hún öllum samskiptum við hana í kjölfarið.

Remini á að hafa haft aftur samband við Lopez síðustu mánuði til að hjálpa henni í gegnum erfiða tíma.

Frétt af mbl.is

Raunveruleikastjarna segir Lopez athyglissjúka

Frestar því stöðugt að sækja um skilnað

Aðrir heimildarmenn segja að Affleck hafi frestað því stöðugt að sækja formlega um skilnað til að niðurlægja ekki Lopez, en það gæti verið um seinan.

„Hún er bálreið. Hann hefur niðurlægt hana. Hann var sá sem tók frumkvæðið í að byrja aftur saman,“ segja heimildarmenn.

Frétt af mbl.is

Ben Affleck hefur fest kaup á glæsivillu

Page six