Katrín prinsessa af Wales ljómaði í myndskeiði sem birtist á sameiginlegum Instagram-reikningi hennar og Vilhjálms Bretaprins á sunnudag.

Frétt af mbl.is

Katrín í krabbameinsmeðferð

Í myndskeiðinu óskaði hún bresku ólympíukeppendunum hjartanlega til hamingju með árangurinn á leikunum og sagði Vilhjálmur, sem stóð henni við hlið, landsmenn ákaflega stolta af fólkinu sínu. Bretar náðu frábærum árangri og unnu íþróttamenn þeirra til 65 verðlauna í París.

Frétt af mbl.is

Katrín sögð á batavegi

Litið sést opinberlega

Katrín geislaði af gleði og jákvæðni og leit hraustlega út. Margir rituðu athugasemdir við myndskeiðið og sögðust ánægðir að sjá prinsessuna. 

Katrín hefur lítið sést opinberlega síðustu mánuði. Hún fór í aðgerð á kviðar­holi í janú­ar og greindist með krabbamein stuttu síðar. Ekki hef­ur verið gefið upp hvers kyns krabba­mein hún sé með en Katrín er sögð hafa brugðist vel við krabbameinsmeðferð.