Milla Ósk Magnúsdóttir hefur látið af störfum sem aðstoðarmaður Willums Þórs Þórssonar heilbrigðisráðherra.

Í gær var sagt frá því í fréttum að Sonja Lind Estrajher Eygló­ar­dótt­ir hefði tekið við starfi Millu Óskar.

Frétt af mbl.is

Sonja Lind nýr aðstoðarmaður Willums

Hún greindi frá því í gær á samfélagsmiðlum að hún væri þakklát fyrir tímann með Willum en nú væri komið að tímamótum. 

„Eins og hefur komið fram þá hef ég ákveðið að söðla um og hætta sem aðstoðarmaður ráðherra. Starfið hefur verið afar gefandi og skemmtilegt. Ég er mjög þakklát fyrir það tækifæri að fá að vinna að umbótum í íslensku samfélagi með yndislegu fólki,“ sagði Milla í færslu á Facebook.

„Það hefur verið sannur heiður að starfa með bæði Willum og Lilju, enda eru þau kröftugir ráðherrar sem hafa náð frábærum árangri. Fyrir utan hvað þau eru fyndin og skemmtileg. Fram undan hjá mér eru alls konar skemmtileg verkefni þar sem m.a. listræna Milla mun fá að njóta sín.“

En hvað er Milla að fara að gera?

Milla var fréttamaður á RÚV áður en hún varð aðstoðarmaður ráðherra. Smartland hefur heimildir fyrir því að hún sé að vinna að þáttum þar sem hún tekur hús á áhugaverðu fólki.