Það var stemning í Kaupmannahöfn í Danmörku þegar hópi af erlendum dreifingaraðilum og nokkrum Íslendingum var boðið á forsýningu á kvikmyndinni Ljósvíkingum sem frumsýnd verður hérlendis í september. Þar voru líka frægir leikarar eins og norðmaðurinn Rune Temte sem er hvað frægastur fyrir leik sinn í þáttaröðinni The Last Kingdom. Sýningin var haldin í Palads kvikmyndahúsinu í Kaupmannahöfn.

Björn Jörundur Friðbjörnsson leikari og söngvari í hljómsveitinni Nýdönsk fer með aðalhlutverk myndarinnar ásamt leikkonunni og trans konunni Örnu Danks. Þau leika vini um fimmtugt sem reka fiskiveitingastað á Ísafirði. Þegar annar vinurinn kemur út úr skápnum sem transkona á hinn afar erfitt með að taka breytingunni. Á sama tíma kemur upp viðskiptatækifæri sem getur breytt framtíð vinanna.

Friðrik Weisshappel athafnamaður í Kaupmannahöfn fór á sýningu og segir að sér hafi fundist myndin skemmtileg. 

„Mér fannst myndin mjög skemmtileg, fræðandi og upplyftandi. Hún var full af húmor og mennsku, mér finnst ég betri manneskja eftir að hafa séð hana,“ segir hann. 

Stephanie Palm og Felix Creutzig.

Stephanie Palm og Felix Creutzig.

Ragnhildur Þórðardóttir eða Ragga nagli eins og hún er kölluð, Helga Hjördís Sigurðardóttir og Snorri Steinn Þórðarson.

Hjónin Kristín Einarsdóttir og Richard Scobie.

Ragnhildur Þórðardóttir eða Ragga nagli eins og hún er kölluð, Stefanía Kristín Bjarnadóttir, Snorri Steinn Þórðarson og Frosti Þórðarson.

Rune Temte og Michael Mendelsohn sem er forstjóri Patriot Pictures.