Vinstri græn fordæma ákvörðun Bjarna Benediktssonar, forsætisráðherra og fyrrverandi utanríkisráðherra, um að frysta tímabundið greiðslur til Palestínuflóttamannaaðstoðar Sameinuðu þjóðanna (UNRWA).
Vinstri græn fordæma ákvörðun Bjarna Benediktssonar, forsætisráðherra og fyrrverandi utanríkisráðherra, um að frysta tímabundið greiðslur til Palestínuflóttamannaaðstoðar Sameinuðu þjóðanna (UNRWA).
Vinstri græn fordæma ákvörðun Bjarna Benediktssonar, forsætisráðherra og fyrrverandi utanríkisráðherra, um að frysta tímabundið greiðslur til Palestínuflóttamannaaðstoðar Sameinuðu þjóðanna (UNRWA).
Þetta kemur fram í stjórnmálaályktun flokksráðsfundar Vinstri grænna.
„Flokksráðsfundur VG fordæmir ákvörðun þáverandi utanríkisráðherra Íslands að styðja atlögu Ísraelsríkis að mannúðaraðstoð á Gaza með yfirlýsingu um að frysta fjárframlög til Flóttamannaaðstoðarinnar,“ segir í ályktuninni.
Eins og fram hefur komið stöðvaði utanríkisráðuneytið tímabundið greiðslur til UNRWA í janúar eftir að grunur lék á því að starfsmenn á vegum aðstoðarinnar hafi tekið þátt í hryðjuverkaárás á Ísrael í október. Bjarni hóf svo á ný greiðslur til UNRWA í mars.
Eftir að hafa rannsakað málið tilkynntu Sameinuðu þjóðirnar í byrjun mánaðar að níu starfsmenn UNRWA hefðu „að öllum líkindum“ átt aðild að stórfelldri hryðjuverkaárás Hamas á Ísrael, þann 7. október 2023, þar sem hátt í 1.200 voru myrtir, og á þriðja hundrað gíslar teknir.
Í ályktuninni eru „stríðsglæpir“ Ísraelshers á Gasa fordæmdir og viðbrögð vestrænna ríkja við stríðinu sömuleiðis fordæmd.
„Fundurinn krefst þess að Ísrael fari að alþjóðalögum, láti tafarlaust af hernaði á Gaza, yfirgefi landtökubyggðir og hætti landtöku á palestínskum svæðum,“ segir í ályktuninni.