Við Njálsgötu í Reykjavík  er að finna einstaklega smekklega þriggja herbergja íbúð á þriðju hæð sem státar af fallegu útsýni. Íbúðin sjálf er 89 fm og var húsið sjálft reist 1927. Árið 2021 var íbúðin mikið endurnýjuð. 

Eldhúsið er í sama rými og stofa og borðstofa. Þar er hvít sprautulökkuð innrétting með viðarborðplötum. Fyrir framan eldhúsið er borðstofuborð sem tengist inn í stofuna. Þar er að finna þrjá glugga sem státa af útsýni í norðaustur. 

Horft úr stofunni inn í eldhús. Ljósmynd/Sölumyndir.is

Eldhúsinnréttingin er með fulningahurðum. Ljósmynd/Sölumyndir.is

Borðstofuborðið tengir stofu og eldhús. Ljósmynd/Sölumyndir.is

Svalir í suður

Hjónaherbergi er gert úr hluta af stofunni og eru útgengt út á svalir úr því. Svalirnar snúa í suður en á móti svölunum er stór gluggi sem er byggður í hálfgerðan boga. Hann gefur herberginu sterkan svip. 

Baðherbergið er flísalagt í hólf og gólf með steingráum flísum. Hvít sprautulökkuð innrétting er undir vaski en á baðherberginu er pláss fyrir þvottavél. 

Svalirnar snúa í suður. Ljósmynd/Sölumyndir.is

Svalirnar eru út af hjónaherberginu. Ljósmynd/Sölumyndir.is

Íbúðin er búin fallegum húsgögnum, lömpum, listaverkum og eftirtektarverðum munum. Hver hlutur á sínum stað eins og sést á myndunum. 

Sjá nánar á fasteignavef mbl.is: Njálsgata 64

Harðparket er á gólfum og hvítir golflistar. Ljósmynd/Sölumyndir.is

Hjónarúmið er haft undir glugganum sem gefur herberginu öðruvísi yfirbragð. Ljósmynd/Sölumyndir.is

Horft út á svalir. Ljósmynd/Sölumyndir.is

Í hjónaherberginu er stór og myndarlegur gluggi. Ljósmynd/Sölumyndir.is

Útihurðin er glerjuð. Ljósmynd/Sölumyndir.is

Í barnaherberginu er stór gluggi sem hleypir mikilli birtu inn. Ljósmynd/Sölumyndir.is