Fanney Ingvarsdóttir, markaðsfull­trúi Bi­oef­fect og fyrr­ver­andi feg­urðardrottn­ing, og Teitur Reynisson, viðskiptafræðingur í Landsbankanum, giftu sig á laugardaginn var við fallega athöfn í Dómkirkjunni í Reykjavík. 

Eftir giftinguna slógu hjónin upp veislu í Gamla bíói þar sem öllu var til tjaldað. Katla Þorgeirsdóttir og Fannar Sveinsson stýrðu veislunni af miklum myndarskap og var einstök stemning. 

Nýgiftu hjónin svífa um á bleiku skýi en Fanney birti hjartnæmar brúðkaupsmyndir á samfélagsmiðlum sínum frá stóra deginum. „Að eilífu þín, að eilífu minn, að eilífu við,“ skrifaði hún við færsluna. 

Ástfangin. Ljósmynd/Íris Dögg Einarsdóttir

Parið fann ástina árið 2016 og eiga tvö börn: dótt­ur­ina Kol­brúnu Önnu og son­inn Reyni Alex. Þau trúlofuðu sig þann fyrsta júlí á síðasta ári og þá sagði fanney að þetta hefði verið auðveldasta „já“ í heimi og að hún gæti ekki beðið eftir að giftast ástinni. 

Smartland óskar hjónunum til hamingju með ástina! 

Hjónin voru fallega klædd á brúðkaupsdaginn sinn. Ljósmynd/Íris Dögg Einarsdóttir

Fanney er með látlausan giftingarhring sem hefur að geyma nokkra demanta. Ljósmynd/Íris Dögg Einarsdóttir

Frétt af mbl.is

„Auðveldasta já í heimi“

Frétt af mbl.is

Fagnaði stórafmæli móður sinnar á lúxushóteli í sveitinni