Harry prins er sagður hafa haft betur í rökræðum við Meghan um uppeldi barna sinna. Harry er mikið í mun um að börnunum sé haldið frá sviðsljósinu.

Meghan á að hafa velt því fyrir sér að börnin komi fram í nýjum Netflix-þáttum sínum þar sem áhersla er lögð á matreiðslu, garðyrkju og heilbrigðan lífsstíl. Nú herma fregnir að börnin munu ekki sjást í þáttunum. 

Þá voru þættirnir ekki teknir upp á heimili þeirra heldur á heimili nágranna. 

„Harry og Meghan hafa ekki alltaf verið sammála um hversu sýnileg börnin þeirra eiga að vera. En í þessu tilfelli hefur Harry haft betur,“ segir heimildarmaður í viðtali við The Sun í kjölfar frétta um að Meghan hafi viljað hafa börnin sér við hlið þegar hún snýr aftur í sviðsljósið.

Harry vill hins vegar alfarið halda þeim fjarri sviðsljósinu eftir að hafa sjálfur haft slæma reynslu í bernsku af ágangi fjölmiðla.

Frétt af mbl.is

Mikil pressa á Meghan að standa sig