Uppskriftir | 22. ágúst 2024

Íslandsmeistarinn býður upp á epla- og rabarbarakokteil

Hér er á ferðinni skotheldur kokteill fyrir menningarnótt í boði Íslandsmeistarans í kokteilagerð, Grétars Matthíassonar barþjóns hjá Blik Bistró. Þetta er epla- og rabarbarakokteill sem gleður bragðlaukana en núna er síðasta tækifæri að nota rabarbarann úr garðinum.

Íslandsmeistarinn býður upp á epla- og rabarbarakokteil

Uppskriftir | 22. ágúst 2024

Epla- og rabarbarakokteill í boði Íslandsmeistarans í kokteilagerð. Fullkominn til að njóta á menningarnótt. mbl.is/Eggert Jóhannesson

Frétt af mbl.is

Grétar krýndur Íslandsmeistari í kokteilagerð

Það er um að gera að gera vel við sig á menningarnótt og útbúa ljúffenga kokteila og fagna komu haustsins.

Grétar Matthíasson veit fátt skemmtilegra en að vinna bak við barborðið og blanda ljúffenga drykki fyrir gesti sína. mbl.is/Árni Sæberg

Epla- og rabarbarakokteill

45 ml gin, Grétar notar oftast Stuðlaberg gin
20 ml rabarbaralíkjör
15 ml limonchello
30 ml heimagert síróp, sjá uppskrift fyrir neðan
15 ml sítrónusafi
Klaki eftir smekk
Sódavatn, eftir að drykkurinn hefur verið hristur saman og hellt í glas
Þunnskornar eplasneiðar eftir smekk

Aðferð:

Setjið allt hráefnið í kokteilhristara ásamt klaka og hristið vel.
Hellið síðan blöndunni í viskíglas með klaka og fyllið með sódavatni, má setja Sprite ef þið viljið sætari drykk.
Skreytið með þunnskornum eplasneiðum.

Heimagert epla- og rabarbarasíróp

2 rauð epli, skorin í smáa teninga
4 stórir rabarbarastilkar, skornir í teninga
350 g sykur
400 ml vatn
½ vanillustöng
½ sítrónu, börkurinn

Aðferð:

Finnið góðan pott og setjið í hann vatnið og sykurinn.
Bætið síðan eplum og rabarbara, ásamt vanillustönginni og sítrónuberkinum ofan í pottinn og fáið suðuna upp.
Látið sjóða við lágan hita og alls ekki láta maukast i pottinum.
Leyfið blöndunni að kólna yfir nótt í pottinum og sigtið síðan daginn eftir í gegnum kaffipoka.