Einhverjir muna eflaust eftir Polly Pocket-leikföngunum sem slógu rækilega í gegn í kringum aldamótin. Nú geta þeir upplifað alvöru nostalgíukast og bókað gistingu í risavöxnu dúkkuhúsi í anda Polly Pocket. 

Húsið, sem er í borginni Littleton í Massachusetts í Bandaríkjunum, er nýjasta viðbótin á bókunarvef Airbnb og var hannað í tilefni af 35 ára afmæli Polly Pocket. 

Gúmmíföt og litrík snyrtiaðstaða

Húsið hentar vel til veisluhalda og býður upp á alvöru Polly Pocket-upplifun. Í fataskáp hússins hanga dúkkuföt í raunstærð sem gestir geta mátað, en fötin eru nauðalík frægu gúmmífötunum sem Polly Pocket-dúkkurnar voru klæddar í. 

Þegar gestir hafa mátað öll fötin og fylgihlutina í fataskápunum er svo tilvalið að fara upp á aðra hæð hússins og prufa snyrtiaðstöðuna sem er hlaðin litríkum snyrtivörum. 

Síðan er ómissandi að næla sér í ferskan drykk í dúkkubolla áður en gengið er út í garð þar sem meðal annars má finna útilegutjald sem gestirnir gista svo í eftir ógleymanlegt nostalgíupartí. Airbnb mun opna fyrir bókanir 21. ágúst næstkomandi.

New York Post

Frétt af mbl.is

Hvenær má stela frá hótelum eða Airbnb?

Frétt af mbl.is

Flottasta hótelið fyrir Spánar-golfara