Hollywood-stjörnurnar Meryl Streep og Martin Short gengu hönd í hönd niður rauða dregilinn á frumsýningu nýjustu þáttaraðar Only Murders in the Building í Los Angeles á fimmtudag. Kynti það verulega undir orðróm um meint ástarsamband leikaranna sem hefur sveimað yfir Hollywood-hæðum síðustu vikur og mánuði.

Parið brosti sínu breiðasta á rauða dreglinum og stillti sér upp fyrir myndatöku ásamt meðleikurum sínum Steve Martin og Selenu Gomez.

Frétt af mbl.is

Kynda undir orðróm um samband

Streep og Short, sem fara með hlutverk elskenda í gamanþáttaröðinni, mættu einnig hönd í hönd í eftirpartíið hjá Paramount og létu, að sögn sjónarvotta, mjög vel að hvort öðru allt kvöldið.

Meryl Streep, Steve Martin, Selena Gomez og Martin Short voru glæsileg á frumsýningu fjórðu þáttaraðar Only Murders in the Building. AFP

Frétt af mbl.is

Orðrómurinn hefur náð nýjum hæðum

Short full­yrti í viðtali við Bill Maher í janúar að orðróm­ur um nýfundna ást hans og stór­leik­kon­unn­ar Meryl Streep væri ekk­ert annað en upp­spuni. En einungis örfáum vikum seinna sást til parsins njóta kvöld­verðar á hinum sögu­fræga veit­ingastað Gi­orgio Baldi í Santa Monica og einnig á söngleiknum Merrily We Roll Along í New York-borg. 

Frétt af mbl.is

Tjáði sig um meint ástarsamband við Streep