Gossip Girl-stjarnan Ed Westwick gekk í hjónaband með leikkonunni Amy Jackson við stórglæsilega athöfn á Amalfi-ströndinni á Ítalíu um helgina. 

Westwick og Jackson byrjuðu að stinga saman nefjum árið 2021 og opinberuðu samband sitt tæpu ári síðar. Leikarinn fór svo á skeljarnar í skíðaferð í Gstaad í Sviss í janúar síðastliðnum. 

Frétt af mbl.is

Fór á skeljarnar í Gstaad

Veisluhöldin stóðu yfir í þrjá daga og fór brúðkaupið fram í sögulegum kastala frá 16. öld, Castello di Rocca Cilento, þar sem öllu var tjaldað til. Westwick og Jackson flugu til Ítalíu í einkaþotu ásamt nánustu fjölskyldu sinni, en þau buðu alls 220 gestum í brúðkaupið. 

Hjónin voru glæsileg á brúðkaupsdaginn, en Westwick var klæddur í smóking frá Armani á meðan Jackson skartaði sérsaumuðum kjól eftir ítalska hönnuðinn Alberto Ferretti.