Katrín prinsessa af Wales var viðstödd sunnudagsmessu í Skotlandi í gærdag. Hún var mynduð fyrir utan Crathie Kirk-kirkjuna í skoska smáþorpinu Crathie ásamt Vilhjálmi Bretaprins og elsta barni hjónanna, Georg Bretaprins.

Katrín leit hraustlega út og brosti til viðstaddra. Hún var afar glæsileg í mynstraðri kápu og með ullarhatt á höfði. 

Frétt af mbl.is

Fyrsti opinberi viðburður Katrínar í nær hálft ár

Lítið hefur sést til Katrínar síðastliðna mánuði sökum krabbameinsmeðferðar. Hún kom opinberlega fram í fyrsta sinn um miðjan júní er hún fylgdist með Trooping of Colour-skrúðgöngunni ásamt börnum sínum. Hún var einnig meðal áhorfenda á úrslitaleik Wimbledon-mótsins í júlí.

Katrín fór í aðgerð á kviðar­holi í ­byrjun árs og greind­ist með krabba­mein stuttu síðar. Ekki hef­ur verið gefið upp hvers kyns krabba­mein hún sé með en Katrín er sögð hafa brugðist vel við krabba­meinsmeðferð.

Frétt af mbl.is

Katrín geislar í nýju myndskeiði