Love Island-stjarnan Molly-Mae Hague hefur loksins rofið þögnina rúmum tveimur vikum eftir að hún tilkynnti skilnað hennar frá Tommy Fury. 

Sambandsslitin virtust í fyrstu koma eins og þruma úr heiðskýru lofti og voru aðdáendur fyrrverandi parsins vægast sagt í áfalli. Síðan þá hefur ýmislegt komið í ljós sem varpar skýrara ljósi á skilnaðinn, en Fury er sagður hafa haldið ítrekað framhjá Hague, þar á meðal með danskri konu. 

Danska konan steig svo fram í síðustu viku og fullyrti að ekkert hafi gerst á milli hennar og Fury, en þau hittust á djamminu í Makedóníu. Í gær viðurkenndi hún svo að hafa kysst Fury.

Frétt af mbl.is

Sagður hafa haldið ítrekað framhjá Hague

Frétt af mbl.is

Danska konan viðurkennir að hafa kysst Tommy Fury

Þakkaði aðdáendum fyrir stuðninginn

Hague deildi í gær mynd á Instagram-reikningi sínum, þar sem hún er með yfir 8,2 milljónir fylgjenda, þar sem hún þakkaði aðdáendum sínum fyrir stuðninginn síðustu vikur. „Takk fyrir að vera bestu netvinir sem ég hefði getað óskað mér,“ skrifaði hún við myndina. 

Fallegum ummælum hefur rignt yfir Hague, en hún á greinilega stóran aðdáendahóp sem stendur þétt við bak hennar. „Þú ert að sýna stelpum og konum að þær verði að þekkja gildi sín, að sætta sig ekki við hvað sem er eða hvers kyns vanvirðingu eða hegðun. Vertu sterk, sendi þér ást,“ skrifaði einn aðdáandi við myndina. 

Frétt af mbl.is

Líkja sambandsslitunum við skilnað Díönu og Karls