Enn er margt á huldu um það hvernig fjármagna skuli borgarlínuna. Til að varpa ljósi á málið mæta Ásdís Kristjánsdóttir, bæjarstjóri og Davíð Þorláksson, framkvæmdastjóri Betri samgangna í Spursmál.

Ásdís Kristjánsdóttir og Davíð Þorláksson sitja fyrir svörum í Spursmálum. Samsett mynd

Líkt og fram hefur komið stefna stjórnvöld á að verja 311 milljörðum króna í samgöngusáttmála á höfuðborgarsvæðinu fram til ársins 2040. Enn er þess beðið að ljósi verði varpað á hvernig verkefnið verður fjármagnað en ljóst er að nýjar álögur verða að veruleika, gangi fyrirætlanir yfirvalda eftir.

Allt um þetta í Spursmálum á mbl.is kl. 14:00 á morgun.

Stjórnmálaflokkar rísa og falla

Ný Masíkínukönnun sýnir að fylgi Sjálfstæðisflokksins er í frjálsu falli og hefur aldrei í 95 ára sögu hans mælst viðlíka lágt. Á sama tíma fara Miðflokkurinn og Samfylkingin með himinskautum og margt bendir til þess að Sósíalistar muni ná mönnum inn á þing meðan VG sitji eftir með sárt ennið.

Ólína Þorvarðardóttir og Hermann Nökkvi Gunnarsson rýna helstu fréttir vikunnar. Samsett mynd

Til þess að ræða þessa stöðu, ásamt þróun stjórnmálaástandsins í Bandaríkjunum, mæta þau Ólína Kjerúlf Þorvarðardóttir, forseti félagsvísindadeildar Háskólans á Bifröst og Hermann Nökkvi Gunnarsson, blaðamaður á Morgunblaðinu, á vettvang og ræða fréttir vikunnar.

Sneisafullur þáttur þar sem Stefán Einar Stefánsson tekur á móti góðum gestum og knýr svara um þau mál sem fólk ræðir á kaffistofum landsins á hverjum tíma.

Hvað viltu vita?

Fylg­ist með á mbl.is á föstu­dag og þá er einnig hægt að leggja orð í belg og koma með til­lög­ur að spurn­ing­um fyr­ir gesti þáttarins á nýj­um face­book-vett­vangi Spurs­mála.