Leikkonan Aníta Briem hefur nú svipt hulunni af sambýlismanni sínum Hafþóri Waldorff. Síðan parið hnaut um hvort annað hefur hún aldrei birt mynd af honum eða þeim saman. 

Aníta birti ástríka afmæliskveðju á Instagram-síðu sinni rétt í þessu í tilefni af þrítugsafmæli Hafþórs og deildi fallegum myndum af parinu.

„Maðurinn minn með stóra hjartað. Takk fyrir að opna allt upp á gátt, byggja með mér heim, þar sem allt er hvellpósitívt og glitrandi. Hjá þér er jörðin og róin sem og hitinn og forvitnin. Til hamingju með stóra daginn þinn ástin mín,” skrifar Aníta við færsluna.

Aníta og Hafþór festu kaup á íbúð við Bárugötu í maí og eiga von á sínu fyrsta barni saman í nóvember.

Frétt af mbl.is

Nýtt barn og ný íbúð hjá Anítu Briem og Hafþóri