Bandaríski rapparinn Megan Thee Stallion hefur opinberað nýtt ástarsamband með NBA-leikmanninum Torrey Craig. 

Stallion birti og snögglega eyddi TikTok-myndbandi af sér ásamt körfuboltamanninum þar sem þau svöruðu hinum ýmsu spurningum um nýlegt samband þeirra.

Það sem fer á netið er þar að eilífu sagði einhver og á það við í tilfelli Stallion en myndbandið náðist á skjáupptöku samkvæmt fjölmiðlinum Page Six. 

Stallion og Craig svöruðu spurningum á borð við: „Hver sagði „ég elska þig“ fyrst?“ sem staðfesti ástarsamband þeirra, en óljóst er hver játaði ást sína á undan þar sem þau bentu bæði hvort á annað. 

Þrefaldi Grammy-verðlaunahafinn var síðast í sambandi með rapparanum Pradison Fontaine sem stóð þétt við bakið á Stallion eftir að hún varð fyrir skotárás í partíi árið 2020 en ástin hjá þeim slokknaði í maí á síðasta ári. Síðan þá hefur verðið mikill rígur á milli þeirra.

Craig byrjaði í NBA-deildinni árið 2017 sem liðsmaður Denver Nuggets en spilar núna með Chicago Bulls. 

Page six