Enn ligg­ur ekki að fullu fyr­ir hvernig sam­göngusátt­mál­inn á höfuðborg­ar­svæðinu verður fjár­magnaður. Þrátt fyr­ir það hef­ur rík­is­sjóður og sveit­ar­fé­lög­in á svæðinu nú þegar ákveðið að ráðast í verkið. Áætlaður kostnaður við sátt­mál­ann er nú met­inn 311 millj­arðar króna en í fyrra var talið að verk­efnið myndi kosta 160 millj­arða.

Margar áleitnar spurningar um þessa risaframkvæmd, sem hafa mun áhrif á landsmenn alla, bæði í efnahagslegu en einnig samgöngulegu tilliti, voru lagðar fyrir þau Ásdísi Kristjánsdóttur, bæjarstjóra í Kópavogi og Davíð Þorláksson, framkvæmdastjóra Betri samgangna ohf. í nýjasta þætti Spursmála.

Þáttinn má nálgast í heild sinni í spilaranum hér að neðan, á Spotify og YouTube og er hann aðgengilegur öllum.

Sjálf­stæðis­flokk­ur­inn í frjálsu falli

Ný mæl­ing Maskínu sýn­ir að Sjálf­stæðis­flokk­ur­inn nýt­ur aðeins stuðnings 13,9% á landsvísu. Fylgi hans hef­ur aldrei mælst lægra. Í samhengi við það var Ásdís, sem kom af miklu afli inn í sveit­ar­stjórn­ar­mál­in í síðustu kosn­ing­um, spurð hvort upp­færður sam­göngusátt­máli með öll­um þeim kostnaði sem hon­um fylg­ir, sé að hafa nei­kvæð áhrif á fylgi flokks­ins.

Þá mættu í þátt­inn til þess að ræða stjórn­mál­in, bæði hér heima og í Banda­ríkj­un­um, þau Ólína Kjer­úlf Þor­varðardótt­ir, for­seti fé­lags­vís­inda­deild­ar Há­skól­ans á Bif­röst og Her­mann Nökkvi Gunn­ars­son, blaðamaður á Morg­un­blaðinu og sköpuðust líflegar umræður þeirra á milli.

Fylgstu með á mbl.is klukk­an 14 alla föstudaga. Þátt­ur­inn er nú aðgengi­leg­ur hér á vefn­um og öll­um helstu hlaðvarps- og efn­isveit­um.