Jökull Júlíusson, söngvari íslensku hljómsveitarinnar Kaleo, mun fara með gestahlutverk í hinum frægu sápuóperuþáttum Glæstar vonir (e. Bold and the Beautiful). 

Í þættinum mun Jökull leika sjálfan sig og flytja eitt af vinsælustu lögum sínum, Way Down We Go. Fram kemur á vef Deadline að þátturinn verði sýndur 27. september næstkomandi.

Frétt af mbl.is

Lag Kaleo með yfir milljarð spilana á Spotify

Framleiðandi sjónvarpsþáttanna ræddi við Jökul um hlutverkið á síðasta ári þegar þeir hittust á tónleikum hjá Andrea Bocelli.

Glæstar vonir hafa notið mikilla vinsælda um allan heim, en þættirnir hófu göngu sína árið 1987 og núna hafa 37 þáttaraðir komið út. Þættirnir hverfast um Forrester-fjölskylduna og tískuhús þeirra, en hinir ýmsu karakterar koma við sögu í þáttunum sem eru fullir af dramatík og spennu.