Snotur íbúð við Naustavör í Kópavogi er nú komin á sölu. Á heimilinu búa þau Sunneva Einarsdóttir áhrifavaldur og Benedikt Bjarnason, sonur Bjarna Benediktssonar forsætisráðherra Íslands. 

Benedikt festi kaup á eigninni 8. maí 2020. Síðan þá hefur parið komið sér vel fyrir í íbúðinni ásamt tveimur fjórfætlingum sínum, þeim Bruce og Rómeó. 

Íbúðin er björt og þaðan er sjávarútsýni. Ljósmynd/Af fasteignavef mbl.is

Eldhús, stofa og borðstofa eru samliggjandi í rúmgóðu alrými. Ljósmynd/Af fasteignavef mbl.is

Falleg litapalletta og heillandi áferð

Íbúðin telur alls 108 fm og er á fyrstu hæð í fjölbýlishúsi sem reist var árið 2020. Sunneva og Benedikt hafa innréttað eignina á sjarmerandi máta þar sem ljúf litapalletta og áferð úr náttúrunni eru í forgrunni.

Á heimilinu má sjá hina ýmsu hönnunarmuni sem setja svip sinn á rýmin, þar á meðal hillueiningar eftir sænska arkitektinn Nils Strinning og formfagra N701 sófann sem Jacques Deneef hannaði.

Í íbúðinni eru eitt svefnherbergi og eitt baðherbergi. Ásett verð er 104.900.000 krónur.

Sjá á fasteignavef mbl.is: Naustavör 36

Í íbúðinni má sjá fallega hönnunarmuni sem setja svip sinn á rýmin. Ljósmynd/Af fasteignavef mbl.is