Óskarsverðlaunaleikkonan Reese Witherspoon er sögð vera komin með nýjan kærasta. Sá heppni heitir Oliver Haarmann og er þýskur fjármálamaður.

Skötuhjúin eru talin hafa byrjað að stinga saman nefjum fyrir stuttu en þau hafa nokkrum sinnum sést saman á undanförnum vikum.

Parið sást meðal annars njóta kvöldverðar á veitingastaðnum L’Artusi síðla júlímánaðar og var einnig myndað saman á þyrluflugvelli í New York yfir helgina.

Heimildarmaður breska fréttablaðsins Daily Mail sagði að Witherspoon og Haarmann væru búin að vera að hittast síðustu mánuði en á rólegu nótunum.

Frétt af mbl.is

Ætlaði aldrei að skilja aftur

Witherspoon er tvískilin og á þrjú börn. Leikkonan var gift Ryan Phillippe á árunum 1999 til 2008 og á með honum tvö uppkomin börn. Witherspoon giftist síðar umboðsmanninum Jim Toth. Þau skildu á síðasta ári eftir 12 ára hjónaband. Witherspoon og Toth eiga einn son.

Frétt af mbl.is

Geislar eftir sáran skilnað