Leitað var viðbragða hans við kæru sveitarstjórnar Skeiða- og Gnúpverjahrepps til úrskurðarnefndar umhverfis- og auðlindamála, en sveitarstjórnin kærði á miðvikudag virkjunarleyfi sem Orkustofnun veitti Landsvirkjun fyrir vindorkuverið Búrfellslund.

Frétt af mbl.is

Kæra virkjunarleyfi fyrir vindorkuver

Snýr ekki efnislega að verkefninu

„Það sem er sérstakt í þessu er að þetta snýr að málum sem ekki varða Landsvirkjun sem er tekjuskipting ríkis og sveitarfélaga. Málið snýr ekki efnislega að verkefninu. Það er líka sérstakt þegar eitt stjórnvald kærir í raun annað stjórnvald,“ segir Hörður og vísar þar til þess að kæran beinist að leyfisveitingu Orkustofnunar fyrir orkuverinu. Hann telur að ágreiningur tveggja stjórnvalda eigi ekki heima hjá úrskurðarnefndinni, málið ætti að leysa með löggjöf.

Vandað hafi verið til verka við undirbúning verkefnisins og öllum lögum og reglum fylgt.

„Við teljum að ágreiningurinn sé fyrst og fremst um tekjuskiptinguna og verið sé að leita leiða til að skapa sér stöðu í því efni. Það er okkar mat. Sveitarfélagið vildi fá greiðslu sem við gátum ekki orðið við, en það hefur að mínu mati leitt til þessarar kæru,“ segir hann.

Umfjöllunina má nálgast í heild sinni í Morgunblaðinu í dag.

Frétt af mbl.is

Munu hefja framkvæmdir þrátt fyrir kæru