Suellen Carey, áhrifavaldur og eftirherma Mariuh Carey, vakti heimsathygli á síðasta ári þegar hún giftist sjálfri sér við heldur sérkennilega athöfn í Lundúnum. Þetta óhefðbundna hjónaband varð ekki langlíft en Carey hefur nú greint frá því að hún sé að skilja við sjálfa sig.

Í samtali við breska fjölmiðilinn Mirror viðurkenndi Carey að hafa átt í miklum erfiðleikum með að skuldbinda sig.

„Það er mikilvægt að vita hvenær á að binda enda á eitthvað,” sagði Carey meðal annars þegar hún var spurð út í ákvörðun sína. „Að sjá fyrir sjálfum sér og standa við eigin væntingar er mjög krefjandi.”

Carey, sem er með hátt í 500.000 fylgjendur á Instagram, reyndi allt sem hún gat til að koma í veg fyrir þessa ákvörðun og leitaði sér aðstoðar hjá hjónabandsráðgjafa. En eftir vandlega íhugun ákvað hún að slíta hjónabandinu og leitar nú að eiginmanni.