Athafnakonan og matarbloggarinn, Linda Benediktsdótti,r og eiginmaður hennar, Ragnar Einarsson, fögnuðu tveggja ára brúðkaupsafmæli sínu með stæl í Kaupmannahöfn þar sem þau hlupu hálft maraþon saman. 

Linda og Ragnar hafa verið saman í 15 ár og trúlofuðu sig fyrir átta árum síðan, en þau eiga tvö börn saman. Þau gengu svo í hjónaband við glæsilega athöfn á Ítalíu þann 14. september 2022. Hjónin fóru í brúðkaupsferð til Majorka í maí árið 2023 þar sem þau nutu lífsins í sólríku og fallegu umhverfi. Þau fögnuðu svo pappírsbrúðkaupinu á hinni töfrandi eyju, Krít á Grikklandi, á síðasta ári. 

Frétt af mbl.is

Linda Ben og Ragnar giftu sig á Ítalíu

Frétt af mbl.is

Linda Ben nýtur sín í brúðkaupsferð á Majorka

Frétt af mbl.is

Linda Ben fagnar pappírsbrúðkaupi á Krít

Tóku hálft maraþon í Kaupmannahöfn

Um helgina fögnuðu Linda og Ragnar tveggja ára brúðkaupsafmæli sínu og voru aftur stödd í sólinni, en að þessu sinni í Kaupmannahöfn. 

„2 ára brúðkaupsafmæli fagnað með hálfu maraþoni í sólríkri Köben. Það sem ég er þakklát fyrir lífið okkar saman! Heilbrigðari, hamingjusamari og hraustari saman með hverju árinu,“ skrifuðu þau í sameiginlegri færslu á Instagram, en með færslunni birtu þau skemmtilega myndaröð frá maraþoninu.

Smartland óskar þeim innilega til hamingju!