Uppskriftir | 16. september 2024
Gratíneraður fiskur með papriku og camembert í sparibúningi
Stórfenglega góður fiskréttur sem minnir á brauðrétt sem naut mikilla vinsælda um aldamótin síðustu en þessi fiskréttur er með papriku og camembert. Það má með sanni segja að þetta sé fiskréttur í sparibúningi sem á vel við í upphafi nýrrar vinnuviku. Heiðurinn af þessari uppskrift á Helena Gunnarsdóttir, matarbloggari hjá Eldhúsperlum, en uppskriftina gerði hún fyrir uppskriftavefinn Gott í matinn.
Gratíneraður fiskur með papriku og camembert í sparibúningi
Uppskriftir | 16. september 2024
Setja bókamerki
Stórfenglega góður fiskréttur sem minnir á brauðrétt sem naut mikilla vinsælda um aldamótin síðustu en þessi fiskréttur er með papriku og camembert. Það má með sanni segja að þetta sé fiskréttur í sparibúningi sem á vel við í upphafi nýrrar vinnuviku. Heiðurinn af þessari uppskrift á Helena Gunnarsdóttir, matarbloggari hjá Eldhúsperlum, en uppskriftina gerði hún fyrir uppskriftavefinn Gott í matinn.
Stórfenglega góður fiskréttur sem minnir á brauðrétt sem naut mikilla vinsælda um aldamótin síðustu en þessi fiskréttur er með papriku og camembert. Það má með sanni segja að þetta sé fiskréttur í sparibúningi sem á vel við í upphafi nýrrar vinnuviku. Heiðurinn af þessari uppskrift á Helena Gunnarsdóttir, matarbloggari hjá Eldhúsperlum, en uppskriftina gerði hún fyrir uppskriftavefinn Gott í matinn.
Gratíneraður fiskur með papriku og camembert
Fyrir 4
- 800 g ýsa skorin í bita
- 3 paprikur, skornar smátt
- ½ blaðlaukur, smátt skorinn
- 250 ml rjómi
- ½ askja smurostur með papriku
- 1 Dala camembert, skorinn í bita
- 1 tsk. dijon sinnep
- 1 tsk. paprikukrydd
- ½ grænmetisteningur
- rifinn gratínostur, góð handfylli
Aðferð:
- Hitið ofninn í 180°C.
- Skerið ýsuna í bita og saltið aðeins.
- Leggið í smurt eldfast mót.
- Skerið grænmetið og setjið til hliðar.
- Bræðið saman í potti rjómann, smurostinn og helminginn af camembert-ostinum, ásamt dijon-sinnepi, paprikukryddi og grænmetisteningi.
- Smakkið til með svörtum pipar.
- Hellið sósunni yfir fiskinn.
- Dreifið grænmetinu því næst yfir og toppið með rifnum osti og restinni af camembert-ostinum, skornum í litla teninga.
- Bakið í um það bil 20 mínútur, þar til fiskurinn er eldaður í gegn og osturinn gullinbrúnn.
- Berið fram með því sem hugurinn girnist, til dæmis fersku salati.
/frimg/1/52/94/1529498.jpg)
/frimg/1/52/13/1521346.jpg)
