Tónlistarmaðurinn Charlie Puth gekk í hjónaband með upplýsingafulltrúanum Brooke Sansone við fallega athöfn á búgarði fjölskyldu sinnar í Montecito í Kaliforníufylki nýverið.

Puth og Sansone opinberuðu samband sitt í árslok 2022 og trúlofuðu sig tæpu ári síðar.

Frétt af mbl.is

Charlie Puth trúlofaður

Tónlistarmaðurinn birti fallega myndaseríu frá brúðkaupsdeginum á Instagram-síðu sinni í gærdag. Hamingjuóskum hefur rignt yfir skötuhjúin en ríflega tvær milljónir manna hafa líkað við færsluna á innan við sólarhring.

„Ég elska þig Brooke...ég hef alltaf gert það. Ég lofa að elska þig að eilífu. Takk fyrir að gera mig að hamingjusamasta manni í heimi. Það hefur ávallt verið þú,” skrifaði Puth meðal annars við færsluna.