„Við erum að tala um börnin okkar, unglinga, farsæld og lýðheilsu þeirra,“ sagði Vésteinn Hafsteinsson, afreksstjóri Íþrótta- og Ólympíusambands Íslands, í Dagmálum.

Vésteinn, sem er 63 ára gamall, var ráðinn afreksstjóri ÍSÍ í janúar á síðasta ári eftir afar farsælan feril í íþróttum, fyrst sem kringlukastari og síðar sem afreksþjálfari.

Besta mögulega forvörnin fyrir börnin okkar

Alltaf að tala um að laga eitthvað

Vésteinn segir að íþróttahreyfingin geti leikið lykilhlutverk þegar kemur að forvörnum gegn vopnaburði ungmenna hér á landi.

„Þetta er ekki pólitískt mál,“ sagði Vésteinn.

„Við erum alltaf að tala um að laga eitthvað og núna er vopnaburður unglinga í umræðunni. Þú verður að taka þetta í forvarnarstarfi áður en þetta byrjar.

Hverjir eru betri í því en íþróttahreyfingin? Að sjá til þess að krakkar hreyfi sig í góðum félagsskap. Er til betra forvarnargildi en það?“ sagði Vésteinn meðal annars.

Viðtalið við Véstein í heild sinni má nálgast með því að smella hér eða á hlekkinn hér fyrir ofan.

Vésteinn Hafsteinsson. mbl.is/Kristinn Magnússon