Orkuskipti | 21. september 2024
77% telja orkuskort yfirvofandi
Alls eru 77% félagsmanna Samtaka atvinnulífsins sammála eða frekar sammála spá Landsnets um yfirvofandi orkuskort í landinu, en um fimmtungur er því ósammála eða frekar ósammála. 68% þeirra töldu hins vegar orkuskort ríkja í landinu nú þegar.
77% telja orkuskort yfirvofandi
Orkuskipti | 21. september 2024
Setja bókamerki
Alls eru 77% félagsmanna Samtaka atvinnulífsins sammála eða frekar sammála spá Landsnets um yfirvofandi orkuskort í landinu, en um fimmtungur er því ósammála eða frekar ósammála. 68% þeirra töldu hins vegar orkuskort ríkja í landinu nú þegar.
Alls eru 77% félagsmanna Samtaka atvinnulífsins sammála eða frekar sammála spá Landsnets um yfirvofandi orkuskort í landinu, en um fimmtungur er því ósammála eða frekar ósammála. 68% þeirra töldu hins vegar orkuskort ríkja í landinu nú þegar.
Þetta er niðurstaða könnunar sem Gallup gerði fyrir SA og kynnt var á ársfundi samtakanna sem haldinn var fyrr í vikunni.
Úrtakið náði til 1.754 félagsmanna, 414 tóku þátt í könnuninni og var svarhlutfall því 23,6%.
Meirihlutinn telur sig vel upplýstan um orkumál
Í könnuninni var spurt hvort félagsmenn væru sammála eða ósammála þeirri fullyrðingu að orkuskortur væri nú þegar ríkjandi á Íslandi og voru sem fyrr segir 68% þeirra sammála því, en 18% ósammála.
14% aðspurðra voru hvorki sammála né ósammála þeirri fullyrðingu. Þá taldi 61% svarenda sig vel eða mjög vel upplýst um stöðu orkumála í landinu, en einungis 13% kváðu svo ekki vera.
Alls var 91% félagsmanna SA hlynnt aukinni grænni orkuframleiðslu í landinu, en þegar spurt var af hverju þeir teldu það mikilvægt, sögðu 75% þeirra að svo væri til að tryggja tækifæri til verðmætasköpunar, 70% til að halda orkuverði lágu, 65% til að draga úr innflutningi jarðefnaeldsneytis, 59% til að stuðla að orkuskiptum, en 52% til að draga úr losun koldíoxíðs.
Umfjöllunina má lesa í heild sinni í Morgunblaðinu í dag.
