Leikarahjónin John Mulaney og Olivia Munn eignuðust sitt annað barn saman nýverið. Fyrir eiga þau soninn Malcolm Hiệp sem kom í heiminn í nóvember 2021.  

Munn tilkynnti gleðitíðindin í færslu á Instagram-síðu sinni í gærdag og birti fallega myndaseríu af nýjasta fjölskyldumeðlimnum. Barnið, sem er stúlka, fæddist með aðstoð staðgöngumóður. 

Frétt af mbl.is

Gekkst undir legnám aðeins örfáum mánuðum eftir tvöfalt brjóstnám

„Ég upplifði alls konar tilfinningar“

„Méi June Mulaney kom í heiminn þann 14. september 2024, á ári drekans. 

Ég upplifði alls konar tilfinningar yfir því að geta ekki gengið með dóttur mína. Þegar ég hitti staðgöngumóður okkar í fyrsta sinn þá ræddum við saman móðir til móður. Hún sýndi mér mikinn skilning og ég vissi í hjarta mínu að ég hefði fundið raunverulegan engil. Engin orð geta lýst þakklæti mínu. Hún hélt barninu okkar öruggu í níu mánuði og lét langþráðan draum okkar rætast.

Ég er svo stolt af litlu plómunni minni, litla drekanum mínum sem lagði upp í þessa miklu vegferð til þess að koma til okkar. 

Méi (borið fram may) þýðir plóma á kínversku,“ skrifaði nýbakaða móðirin við færsluna.

Greindist með Luminal B-krabbamein

Síðustu mánuðir hafa reynst Munn afar erfiðir.

Á síðasta ári greindist leikkonan með Luminal B-krabbamein í báðum brjóstum og gekkst undir tvöfalt brjóstnám aðeins 30 dögum eftir greiningu. Munn ákvað í framhaldi að láta fjarlægja leg, eggjastokka og eggjaleiðara í þeirri von um að minnka líkurnar á að meinið taki sig upp aftur.

Frétt af mbl.is

Gekkst undir tvöfalt brjóstnám