Svala Björgvinsdóttir, söngkona og fyrrverandi Eurovision-fari, er tilbúin að finna ástina á ný ef marka má nýjustu færslu hennar á Instagram. 

Söngkonan birti stórglæsileg mynd af sér klædd fallegum rauðum síðkjól, en rauður hefur lengi verið talinn litur ástarinnar. Við myndina skrifar Svala: „Ég er elegant og fáguð kona en hvar eru allir herramennirnir?“

Á lausu í ár 

Í október á síðasta ári var greint frá því að Svala og Alexander Egholm Alexandersson, jafnan kallaður Lexi Blaze, væru hætt saman eftir ríflega árs samband. Samband parsins vakti mikla athygli og þá sérstaklega aldursmunur þess, en Svala er 21 ári eldri en Alexander. 

Frétt af mbl.is

Svala og Alexander að hittast

Svala átti einnig í nokkurra ára sambandi við Kristján Einar Sigurbjörnsson, eða Kleina eins og hann er gjarnan kallaður, sem er jafngamall og Alexander, báðir fæddir árið 1998, og trúlofaðist honum síðla árs 2020. Parið sleit trúlofun sinni tveimur árum síðar. 

Frétt af mbl.is

Hætt að fylgja hvort öðru á Instagram

Svala vill koma því á framfæri að hún er alls ekki í makaleit og var myndin birt upp á grín til að skjóta á íslenska stefnumótamenningu sem er víst ekki upp á marga fiska að mati hennar.