Ferðaáhrifavaldur á TikTok sem kallar sig AdventureDeis heimsótti Ísland í annað skiptið á dögunum og leyfði fylgjendum sínum að fylgjast vel með ferðinni. Einnig gaf hann þeim sem vilja heimsækja landið fjöldamörg ráð.

Á myndskeiði sem hann birti á samfélagsmiðlinum dregur hann upp raunverulega mynd af íslenskri veðráttu, roki og rigningu, sem margir upplifa á meðan þeir heimsækja vinsælustu ferðamannastaði landsins. Heimsækir hann meðal annars Kerið, Seljalandsfoss og Geysi en stoppar mjög stutt á hverjum stað vegna veðurs. Þá virðist hann flýta sér mikið aftur inn í bíl og hefur líklega eytt meiri tíma þar en úti.