Tónlistarmaðurinn Jón Jónsson er mikill húmoristi og á auðvelt með að sjá spaugilegu hliðar hins daglega lífs, enda sjaldan dauð stund á stóru og barnmörgu heimili, en Jón og eiginkona hans, Hafdís Björk Jónsdóttir tannlæknir, eiga fjögur börn á aldursbilinu 2 til 11 ára.

Frétt af mbl.is

Jón eignaðist lítinn Friðrik

Jón birti stórskemmtilega færslu á Instagram Story á mánudag sem fangar foreldrahlutverkið í sinni tærustu mynd. 

Tónlistarmaðurinn birti mynd af bol með áletruninni „Parents Day Off”, en á myndinni er Jón upptekinn við að skola ælu úr bolnum. Það er því ekki mikið um frídaga, eins og orðin á bolnum gefa til kynna, þegar kemur að því að vera foreldri.

„Eitthvað svo yndislega kaldhæðið við að þrífa ælu úr bol með þessari áletrun,” skrifaði Jón við færsluna.

Það skiptir öllu máli að hafa gaman. Skjáskot/Instagram