Það væsir ekki um Sigríði Dögg Arnardóttur, rithöfund og kynfræðing, en hún er um þessar mundir stödd á Ítalíu ásamt eiginmanni sínum, Sævari Egilssyni fyrrverandi knattspyrnumanni, og góðvinkonu þeirra hjóna. 

Sigríður Dögg, eða Sigga Dögg eins og hún er kölluð, deildi sólríkri myndaseríu með fylgjendum sínum á Instagram í morgunsárið og af myndum að dæma fer afar vel um þríeykið í þessu gífurlega söguríka menningarlandi. 

„Napólí & Pompei & Amalfi ströndin. Neðanjarðarhellar og graff og fornminjar. Sól, bátaferðir og lestar og strætó og labb. Matur og drykkur og kaffi. Þrumuveður. Kirkjur og Maradona. Alltaf rauður varalitur og frábær félagsskapur,“ skrifaði hún við færsluna. 

Sigga Dögg er mikil ferðakona og dugleg að heimsækja framandi slóðir. Fyrr á árinu ferðaðist hún til Argentínu og birti meðal annars myndskeið af sér að ganga nak­in um stærsta nekt­ar­svæði í heimi, Yat­an Rumi í Cor­dóba-ríki í Arg­entínu. 

Frétt af mbl.is

Sigga Dögg nakin í Argentínu