Leik- og söngkonan Mandy Moore og eiginmaður hennar, tónlistarmaðurinn Taylor Goldsmith, hafa eignast sitt þriðja barn saman. Þeim fæddist stúlka og hefur hún fengið nafnið Louise Everett eða Lou eins og þau kalla hana. 

Hjónin tilkynntu um fæðingu og nafngift stúlkunnar í sameiginlegri færslu á Instagram í gærdag. 

„Lou er mætt! Louise Everett Goldsmith kom í heiminn sæl, hraust og á réttum tíma fyrir tímabil meyjunnar. Hún er draumastúlkan okkar og eldri bræður hennar eru nú þegar helteknir af henni líkt og við,“ skrifuðu hjónin meðal annars við færsluna. 

Moore og Goldsmith eiga einnig synina August „Gus“ Harrison og Oscar „Ozzie“ Bennett.