Hertoginn af Sussex, best þekktur sem Harry Bretaprins, öskraði og blótaði þegar hann fór í gegnum hrollvekjandi draugahús ásamt bandaríska spjallþáttastjórnandanum Jimmy Fallon á fimmtudag. 

Draugahúsið, Jimmy Fallons's Tonightmares, opnaði dyr sínar þann 20. september síðastliðinn í Rockefeller Center í New York-borg, í sömu byggingu og spjallþáttur Fallons er tekinn upp. 

Í draugahúsinu er að finna tíu ógnvænleg herbergi sem munu án efa hræða líftóruna úr þeim sem þora, en Harry og Fallon urðu dauðskelkaðir. 

Myndband af ferðalagi félaganna í gegnum draugahúsið hefur vakið mikla athygli á Youtube og hafa hátt í 51.000 manns horft á myndbandið á aðeins örfáum klukkustundum.