Á Sólvallagötu í miðbæ Reykjavíkur má finna bjarta og stílhreina íbúð til sölu. Eigendur hennar eru Hanna Soffía Skeggjadóttir Þormar og Kristinn Ingi Halldórsson. Eignin er skráð 95,1 fermetri að stærð, íbúðin sjálf er 88,8 fermetrar og geymslan 6,3 fermetrar. Tvö svefnherbergi eru í íbúðinni en hægt er að útbúa það þriðja úr borðstofu. Tvennar svalir eru í íbúðinni og er útsýnið ekki af verri endanum.

Núverandi eigendur hafa innréttað íbúðina á glæsilegan hátt, með ljósum húsgögnum og borðum úr náttúrusteinum. Eldhúsinnréttingin er hvít með kvarts-steini á borðplötum. Opið er á milli borð- og setustofu og er íbúðin því einstaklega björt.

Sjá á fasteignavef mbl.is: Sólvallagata 27

Borðplatan í eldhúsinu er úr kvarts-steini.

Núverandi eigendur eru smekklegir og halda sér við ljósa litatóna.

Borðstofuborð úr travertine-steini.

Sólvallagata er draumastaðsetning margra.

Ljós motta, stofuborð úr steini og ljós húsgögn passa vel inn í íbúðina.

Í barnaherberginu má finna rúm frá Sebra og stól frá ecoBirdy.

Hlýlegt barnaherbergi með einstökum glugga.

Tvennar svalir eru í íbúðinni.