„Þetta er ekki eitthvað sem kemur að sjálfu sér,“ sagði crossfitkonan Sólveig Sigurðardóttir í Dagmálum.

Sólveig, sem er 29 ára gömul, tilkynnti á síðasta ári að hún væri hætt að keppa í crossfit og kom sú ákvörðun mörgum á óvart enda var hún efsti Íslendingurinn á heimslistanum í crossfit á þeim tíma.

Frétt af mbl.is

Ein besta crossfit-kona landsins hætt

Gekk í gegnum langt sorgarferli

Held að flestir finni fyrir stressi

Sólveig hefur alla tíð glímt við keppnisstress sem hefur oft og tíðum háð henni á stærsta sviðinu.

„Ég veit ekki hvernig þetta er í hópíþróttum á Íslandi í dag en það hefði mátt kynna þetta betur fyrir okkur á sínum tíma,“ sagði Sólveig.

„Það er ekkert grín að keppa í íþróttum og ég held að flestir finni fyrir stressi, hvort sem það er handbolti eða crossfit. Það er mikilvægt að vera með réttu verkfærin til að takast á við þennan keppniskvíða.

Í fyrsta sinn sem ég keppti á alvöru móti í crossfit. Ég var að deyja úr stressi og ég íhugaði það alvarlega að æla í kalkpoka á gólfinu á meðan ég var að róa,“ sagði Sólveig meðal annars.

Viðtalið við Sólveigu í heild sinni má nálgast með því að smella hér eða á hlekkinn hér fyrir ofan.

Sólveig Sigurðardóttir. Ljósmynd/Aðsend