Við Stigahlíð í Reykjavík er að finna 296.3 fm einbýlishús sem reist var 1984. Húsið var auglýst til sölu seint á síðasta ári en er nú selt. Um er að ræða eitt af þessum húsum sem setja svip sinn á Stigahlíðina því það blasir við þegar keyrt er fram hjá Suðurveri og Menntaskólanum við Hamrahlíð. 

Kristján Oddur Sæbjörnsson og Ragnheiður Ásta Pétursdóttir eru kaupendur hússins og greiddu þau 230.000.000 kr. fyrir það. Húsið keyptu þau af Jóhanni Loan Constantin Solomon. 

Allt vandað og fínt

Húsið er vandað með sérsmíðuðum innréttingum í eldhúsi og á baðherbergjum. Þar er fiskibeinaparket á gólfum og arinn í stofu. Tvöfaldur bílskúr prýðir húsið og hefur nýlega verið skipt um glugga og öðru viðhaldi sinnt. 

Smartland óskar Kristjáni Oddi og Ragnheiði Ástu til hamingju með húsið!