Rapparinn Cardi B opinberar hvenær þriðja barn þeirra Offset kom undir eftir að hann sakaði hana um framhjáhald í Instagram-færslu.

Í fyrstu taldi Cardi B barnið hafa komið undir á Valentínusardag en í raun var það þegar þau Offset fögnuðu nýja árinu saman, eins og fram kemur á Page Six. Hún segir lækninn sinn hafa staðfest að hún væri gengin 17 vikur þegar hún taldi þær aðeins vera sex eða sjö.

Cardi B hafði í desember á síðasta ári gefið það út að þau Offset væru hætt saman og sagðist ætla að byrja nýtt líf á nýju ári. Sú yfirlýsing stóðst ekki lengi þar sem þau Offset eyddu saman nýárskvöldi og sköpuðu saman nýtt líf.

Fallvölt draumaveröld

Þriðja barn Cardi B og Offset kom í heiminn 7. september síðastliðinn.

Í júlí sótti hún um skilnað frá Offset og sóttist eftir forsjá yfir börnum þeirra tveimur, dótturinni Kulture 6 ára og syninum Wave 3 ára. 

Daginn eftir greindi hún frá óléttunni. Dóttirin fæddist 7. september síðastliðinn og síðan þá hefur slegið í brýnu milli Cardi B og Offset. Í síðustu viku setti Offset færslu á Instagram þar sem hann sakar spúsu sína um framhjáhald á meðan hún gekk með barn þeirra og svaraði Cardi B grimmt fyrir sig í færslu á X. 

Page six