Banda­ríska leik­kon­an Angelina Jolie virðist vera kom­in með nýj­an mann upp á arm­inn. Sá heppni heitir Akala og er breskur rappari og aðgerðasinni.

Jolie, 49 ára, og Akala, 40 ára, voru mynduð saman á frumsýningu nýjustu kvikmyndar leikkonunnar, Maria, í New York-borg á dögunum. Jolie fer með hlutverk óperusöngkonunnar Mariu Callas í kvikmyndinni.

Parið er sagt hafa byrjað að stinga nefjum saman á síðasta ári en hefur farið mjög leynt með samband sitt undanfarna mánuði. 

Frétt af mbl.is

Jolie biður Pitt um að draga dómsmál til baka

Jolie hefur staðið opinberlega í deilum við fyrrverandi eiginmann sinn, leikarann Brad Pitt, síðustu ár, vegna víngerðar þeirra í Frakklandi.

Fyrr­ver­andi hjón­in höfðu skipt eign­inni jafnt á milli sín þegar sam­bandið var í blóma en Pitt krefst fulls eign­ar­halds yfir vín­gerðinni rétt eins og öðrum eign­um og fyr­ir­tækj­um sem hjónin áttu sam­an.

Frétt af mbl.is

„Hann fæst við blekkingar, ekki óhreinindi og vínber“

Jolie og Pitt skildu árið 2016 eft­ir 14 ára sam­band en þau eiga sam­an sex börn. Pitt hefur verið í litlum sem engum samskiptum við börnin, sem flestöll eru hætt að kenna sig við leikarann, síðustu ár.