Rúrik Gíslason, tónlistarmaður, leikari og fyrrverandi knattspyrnumaður, er andlit nýs herrailms, Trussardi Primo, frá ítalska tískuhúsinu Trussardi. Hann greindi frá þessu á Instagram-síðu sinni í gærkvöldi.

Rúrik deildi myndum og myndskeiði úr auglýsingaherferðinni og gaf fylgjendum sínum smá forsmekk af því sem koma skal. Hann stillti sér upp ásamt gráum mjóhundi, en hundategundin hefur verið einkennismerki fyrirtækisins síðustu ár.

Frétt af mbl.is

Rúrik í tökum fyrir gamanmynd á Netflix

Fyrr­ver­andi knatt­spyrnumaður­inn hef­ur haft í nógu að snúast allt frá því hann setti fót­bolta­skóna á hill­una. Rúrik hef­ur að und­an­förnu verið að reyna fyr­ir sér í leik­list­inni og sló meðal annars ræki­lega í gegn í íslensku gamanþáttaseríunni um stráka­bandið IceGuys.

Rúrik er í dag við tökur á nýrri Netflix-mynd í Amsterdam. Fram kem­ur á vef Film.at að hann fari með hlut­verk hundaþjálf­ar­ans og gúrús­ins Nod­en, sem tekur að sér að hjálp­a fimm furðuleg­um hunda­eig­end­um í aust­ur­rísku ölp­un­um að um­gang­ast þrjóska fer­fætl­inga sína og beit­ir óvenju­leg­um aðferðum.