Ísraelar gerðu harðar árásir á suðurhluta úthverfa Beirút í Líbanon í nótt og er talið að á þriðja tug hafi fallið í árásunum.

Stórir eldhnettir stigu til himins í borginni en loftárásirnar í nótt eru sagðar hinar hörðustu í langan tíma.

Yfirvöld í Líbanon segja að 23 almennir borgarar hafi fallið í loftárásum Ísraela í gær og 93 hafi særst og þá varð frekara mannfall í suðurhluta úthverfa Beirút í nótt.

Frétt af mbl.is

Netanjahú segir vestrænum leiðtogum að skammast sín

Najib Mikati, forsætisráðherra Líbanons, hvatti alþjóðasamfélagið til að þrýsta á Ísraela um vopnahlé en opinber ríkisfréttastofa Líbanons sagði frá því að vígi Hisbollah í suður Beirút hafi orðið fyrir meira en 30 árásum Ísraelshers.

Ísraelski herinn segist hafa gert árásir á vopnageymslur og innviði og hvatti hann almenning til að koma sér á brott frá svæðinu.